آذر اوغلو

آذر اوغـــــلو تورك اصيل ديلدي ديليننن غــــيرتين واردي

ازه لده ن اجــداديننان باخ بو ديـــــلده ن شهرتين واردي

اگــــــــــربيردم بـــــيزي بيـــــرآن بولوبلر حاكمان نا حق

اوره ك ده ن ائل بيلير هـــــــر آن بو يولدا حسرتين واردي

آتا يا باخ بابا دئــــــــــديــــــق آنايا باخ ماما دئــــــــــــديق

قيريللادديق بو الفاظي بــــــو ســـــوزده ن ذللتين واردي

بو ديــــــلي شهــــــــــريارين باخ جهاندا اوجه چاتد يردي

نظــــــــر سال آذر اوغـــــــلانلار بئله ليق قدرتين واردي

چوخ عــــــززت شهريار وئردي بو ديلده ن بيز لره بيلسخ

ياتان قبـــــــــــرين الا نورلو بيــــــــزيم تك اممتين واردي

داهــــــــي ظالم گئچه بيلمز بو ديلين مـــــرزينه نا حـــق

اصيل بيــــــــــــــــر آذري ديلده قـــــــــلملي ملتين واردي

گنه يوسف قلمله ياز حقـــايق ســـــــــوزلـــــري هر گون

اوره ك ده ن چــــون بوديلده هي حقيقت صحبتين واردي

ديديم يار هاردادي مقصد ديدي فرصت يئري يوخ

 ديديم آخر نه اولاربو دــــئدي قسمــــت يئري يوخ

 دئديــــم دنيايه نـــظر ســال بير آچـــيق گوزلريـــــله

 دئدي درد اهلي منم اونلارا عـــــبرت يــــــئري يوخ

 دئديم هجراندا كئتيندي بونا نه ســـــوز دــــئييرسن 

   دئدي هر ياندي جهننم منه جنــــنت يـــــــــئري يوخ

 دئدم هر ميخانانين ساقيسي پيــــمانه سي چــــــوك

 دئدي ال چئكملييم مي ده ده لـــــــذت يــــــــئري يوخ

دئديم الده ن گئديب عمرون بير فيكير قيل حاليـــوا

 دئدي گوللم بو سوزه ن گئچميشه حســـــرت يئري يوخ

دئديم دنيا وفاسيندا منه بــــير ســــوزلريـــــــن آچ

 دئدي آخر يخاجاخ عارفه عـــــشرت يــــــئري يـــــــوخ

 دئديم وار عقل و هوشوم جاه و مقام اي گوزه ليم

 دئدي آخركلامي تئز آييل مهلـــــت يـــــــئري يــــــــوخ  

ای گـــوزه ل ای گوزلیم گول سنه همتا الماز

قـــاشلاریـن طــاقـینه تای طاقه ی کسرا الماز

قاشلارین واردی کمان ای گوزلیم ناز اله سن

سن کـیـمـیـن نــازلـی خرامان نئجه درنا الماز

آهــوتک خـیـزوخزان چوللری سن گئزمگینن

قــلـبـیمی مسکــن اِلـــه چـوح دئمه برجا الماز

خــنــده لـر غنچه کیمین اُ رُخه زیباده ن اینان

دنــیـانی مــات اِلـیـیـیر بــاخ نـئجه دعوا الماز

جنّته هــــوری سـالـیب مسکنینی ای قارا گوز

سـن کـیـمین جنّته هــــوری دئمه بــوردا الماز

بـــو گــولـــوستـانــدا بسا بـلـیـله شیدا اوخویور

اوخــــویان بــولـبـوله باخ هیچ دئمه شیدا الماز

سسیوی یـــاخــحی گولوستاندا آتیبسان با شیوا

بـــو گـــولـــوستـــانـــدا تـرانه نئجه انشا الماز

گــوله بولبول دئیَرعالمده سوزون عشقینه باخ

عـــاشقم سس وئـــره جــم عشـقـیده بـلـوا الماز

گـــــوزلـریم ابره بهاردیر توکورعالمده گوهر

گـــــوزومـــون دُرّی اگـــر الـمـاسا دریا الماز

سنی لــیــلا بیلیره م مـنــی مـجــنون تانی سن

عــــاشقه فـــرصتـه عـشـق امـروزوفردا الماز

خـــالـقـیـم یــاخـجی وئریب نعمته سیما گوزلیم

خــالــه هـنـدو قـــارا گوز هیچ بئله امضا الماز

یوسف پورعظیم شوطی

29- اوستومـــه ســو داشلانیب

هـــر طـــرفـیــم  یــــاشــلانیب

بـــیـــر یــئـــره جمع الموشوق

گــئــنـه ســــوزلــــر باشلانیب

30-بـــــو گــئــلن باخ عالمدی

بـــیزلره  چـــــوخ حـــــاکمدی

آتـــــا بــــابـــــا دئــیــیــبــــدی

قــــــورخــــولـو باش سالمدی

31-یــــاریما کــــاغیذ یازدیم

کاغـــیــذدا یـــــــوللار آزدیم

نـــامـــــرد بـــیـــزه اولانــــا

یــــازقـــیــــدا قــبـــیرقـازدیم

32-یـــــار چیخدی باخ سفَره

وئـــــردیغـــــی خــوش خبره

اللاهـــیـــمنـــــان ایسته ره م

گـــئـــلـــمسیــــــن هیچ نظَره

33- یــــاری وفـالی گوردوم

قـــــلــــبی صـــفالی گوردوم

اوزومــــوز گــــولــــمــوینده

اونــــو عـــــزالــــی گوردوم

34-ازه ل ســــــــوزوم آنادیر

بـــیــــرده گــــــــوزه ل آتادیر

دونــــیـــا بــــویــــــو اولـــادا

بـــــونــــلاردان پاک دوعادیر

35-داغ یانیندا داش گوردوم

گوز اوستونده قاش گوردوم

بــــــاشیمیــن آغــــــریسیندا

یار گوزونــــده یاش گوردوم

36-گون چیخدی سحر اولدو

ایشیـــخـــدان خــــبـــر اولدو

یـــــاریـــمـــیـن بـــو گئدیشی

گـــئــــلمـــیـیـن ســـفـر اولدو

37-اوغــــلومون تویو اولدو

گـــولــشــلی شــــویـــو اولدو

ایــــلـلر بـــــویــــو ساخلادیم

ایــــستگـــلی بـــــــویو اولدو

38-داغ اوستونـــده قارا باخ

یــــانـــیـــمدا بــــــو یارا باخ

هـــــــــر کس بیزی ایسته میر

گــــــــــوزونده بی با را باخ

39- ســــــــلام وئردیم آلماغا

مــــــنــــی یـــــولا ســـالماغا

بــــــودا بــیـــر هـــنر اولوب

ایــــــشده دودوک  چـــالماغا

40-آدیـــــمـــا بـــــاخ آدیــما

نـــــه تــئز بــــاخــدین دادیما

اگـــــر مــــنی ایــــــسته سن

قــــــانــــانـــدا گــــئـل دادیما

41- اووچـــی منی اوخلادی

بــــــالامـــــیـــدا یــــوخلادی

طــــبـــیعــــــتــیـــن بو ایشی

دردلـــــریـــــمــی چوخلادی

42- گــــوز یاشیمی سیلمدیم

هـــــیـــچ بـــیرگونو گولمدیم

دردیـــــــم درده قـــــــاتیشدی

هــــــیــــچ بـــیــرننن بیلمدیم

43-دانــــیشدیم مــن دانیشدیم

تــــئز یــــاریـــمـــا یــانیشدیم

یـــــواشـــجـــــا بیرسوزدئدیم

بـــــیرلــحـــظــه ده آتـــیشدیم

44- خرمانی شیرین گوردوم

قــــویـــونــــو دئرین گوردوم

بــــوایــــل یــــایــــی یاریمنان

تــــمامـــا ســــئــرین گوردوم

45- آی قـــــلم لـــــر قـــلم لر

آدلــــی ســـانــــلی حـــــکم لر

نـــــاحــــق یـــــولا نه ایچون

بـــیـــر ده ن آتــــدیــز قدم لر

46-ســـــو آخــیر باخ آرازا

تــــک تـــیـــخـمایین بوغازا

آیــــریـــلـــیقـــدا فــایدا یوخ

بـــــورونــــون بـــیر پالازا

47-یئل اسیر بـــاخ داغلارا

بـــــار گـئـلیبدیـــــر باغلارا

تــکجه اوزون گورمه چوخ

بــــاخـجــینان سول ساغلارا

48-هـــــاوارســـــاللام اللره

مـــــن دئـیـمـره م گـــــوللره

یــــاخــجــیـلـیـقــی ائده جه م

آدیـــــم دوشــــه دیـــلــــلـره

49- فَــــــلکه لـــعنت السون

هـــــــــریاندا صحبت السون

قـــــــارداشــــــیمــی آلیبدیر

روحــــــــونا رحمت السون

50-گــــــوزلری قارا گوزه ل

دونـــــیـــادا آنــــا گــــــوزه ل

دونــــیــا غمین چوخ گؤروب

اوره گـــــی یــــــارا گوزه ل

51-اُؤد یـــــانــیـــر یانا یانا

دَئـــــیمـسین هــــیچ بیر یانا

نا حق عمرون باخ ســـاوور

حــــــقـــــــلـــــری دانا دانا

52-یار هــؤروگو دسته لی

امــــمــــا اؤزو خــــسته لی

قـــــوجــــــاقـینا گول ییغیب

اَل الــــــوانـــــــلی بَسته لی

53- داغ دوشونده داش اولدوم

هـــــــر ایشده من باش اولدوم

غــــــم ائــــــویــمــــیزی آلدی

گـــــوز یـــــاشیلا یاش اولدوم

54- لای لای دئــــدیم اوجادان

شـــــاعــــیــر کــــیمین هجادان

بـــــالامـــا یــــــوخـوو گئلسین

هــــــم قــــــاپـــــیــدان باجادان

55-بــــوگــــون بختیم قارالدی

رنــــگــیــمــه بـــــاخ سارالدی

بــــخـــتـــیـــمــین دردلــــرینن

دونـــیــــا مـــنــه دارالــــــدی

56- گون دوشدی باخ اوطاقا

رحـــــم ائـــتـــمدی شـــــاواقا

فــــلــــکه لــــعـــنـت اولسون

نــــــظــــر ســــالــدی اوشاقا

57- ســـــاعــــاتی وار قولوندا

اوتـــــلار دوروب چــــولــوندا

اوغـــــلــــوم سرباز گئده نده ن

گـــــوزون قــــالـــیــب یولوندا

58- قـــــــوشلار قوندو دامیما

یـــــاغـــیـــش دئــــیدی جامیما

ســـــحــــر نــــاهـــار یئمه دیم

ایــــنـــــدی ده بــــــاخ شامیما

59- قـــــــورو یئرده یاتمیشام

یــــوخـــــومـــو پیس قاتمیشام

او دونــــیــــانــــیــــن عشقینه

بــــــو دونــــیــــــانـی آتمیشام

      نویسنده یوسف پورعظیم شوطی 

                            اللهَ توکل

دئدیــــلـر کــوسـدو اُ یارین دئدیم اللهَ توکّل

                              دئدیلر ائتدی هاوارین دئدیم الله توکّل

دئدیلرخاموش اولارشمع وچراغین بوگونو

                            باشلانار شیون و زارین دئدیم اللهَ توکّل

دئدیلر نازلی گولون تازه سولاربیرجه اینان

                              پوزولارنقش و نگارین دئدیم اللهَ توکَّل

دئدیلر داغدا گئزه رسَن آهوتک خیزوخزان

                            یازیلار صید و شکارین دئدیم اللهَ توکّل

دئدیلر مجنون اولوب چولده یاتارسان گئجه لر

                             قــازیلارچولده مزارین دئدیم اللهَ توکّل

دئدیلرسویلمه سن بیرجه بوگورسوزلری چوخ

                           چولّه نه رپاکلی دییارین دئدیم اللهَ توکّل

دئدیلر اودلاناجاق مسکن ائده ن گوللو اوبان

                            یوخ اولار اوندا قرارین دئدیم اللهَ توکّل

دئدیلر چوخ داغیلار زولفولرین ساغ سولووا

                           دئییلر آزدی وقـــاریـــن دئدیم اللهَ توکّل

دئدیلر سوزلره بــاخ عهــدووفــــا محکم اله                          

                           دئییله بـلــکـه نــثــارین دئدیم اللهَ توکّل

                    یوسف پورعظیم شوطی پنجشنبه 16  -1- 86

15-تــــــــویــدا زیرنا چالینار

اوغــــلانـــــا قــــیـــــز آلینار

دامــــــاد گــــلــــین گه لرکن

هـــــدیــــه اونـــا ســـــالــینار

16-سیــــــلاو ســــویو لیلیدی

بـــــو اوغـــــلانــــیــز دیللیدی

هـــــــر کس بــــیرآز دانیشسا

اوره ک ســـــــوزو بـــئـللیدی

17-داغـــــدا گئزیر جیرانلار

ســــو آلتیندا مـــــرجــــانــلار

حـــــق ســـــوزیئرین تاپماغا

شاعــــــیـــــر یازیر دیوانلار

18-قـــــوشلار دوشوب قفسه

اوچمـــــاق گـــلیب هــــــوسه

رخــــمیــــــزگلسین سیز الله

بــــــو چــــیرپــیــنان نـــفسه

19-آغـــــاج اومود باغلادی

گــــــویـــــده بولوت آغلادی

غــــــــافـــل اُ ؤلوم اولماغی

چـــــــوک اوره کلرداغلادی

20-باغـــــــدا آغاج کئسیلدی

آتــــام آنـــــام اصــــــیــــلدی

اوشــــاقــــــا دوزگون باخین

آیـــنده چــــــــون نــــــسیلدی

21-گـــوزده ن آخارگوزیاشی

ولله دَئــــلــــر دوز داشـــــــی

نــــــــامــــــرده بئل بـــاغلاما

کئسر آتـــار هــــــــــربــــاشی

22-بــــــاغچادا گول سولوبدور

هــــــــرزه اوتـــــلار دولوبدور

نــــــــامـــــرد گیریبدیر بــــاغا

گــــــوزلــــلــــری یــولـــوبدور

23-مــــــــــن بیر قوشام یارالی

بـــــــو داغــــــلاریـــــن مارالی

فـــــــلـــک گــــــولــدو اوزومه

ائــــلــــــده ن ســـــالــدی آرالی

24-یول گلیب یــــــؤرولموشام

پـــــــارادان ســــــــؤیـولموشام

بـــیــر قــــیــز اوستــه بو گونو

چـــــؤخـــــلامـــــا دؤیولموشام

25- ائوده یـــانــیــر چــیراقلار

ایـــشیـــق اؤلـــــوب اطــــاقلار

اُؤغــــــلانــــیـــن ائـــلــــلریننن

بــــیــزه گـــئـــلـــیــب قـوناقلار

26- یــــــاغیش گئلدی باجادان

دامــجــیـــللادی اوجـــــــــادان

هـــــیـــچ بــــیــرنــفر ائشیدمیر

دلـــیـــللی ســــــؤز قــــوجادان

27- ســــــو سئپدیم کوچه لره

ده ن وئـــــردیــــم بــئــچه لره

ائشیهده ن بـــیـــــر داش گلدی

دئیدی تــــام ســئـــرچـــــه لره

28-هـــاوار هاوار وای هاوار

یــــیــخـــیـــلــــدی نئچه دووار

قـــــوهــــوم قــبــــیــلــه گئلدی

هـــیـــچ دئـمـه دی باخ نه وار  

                     یوسف پورعظیم شوطی

1-آ نــــا -مـــا مــامـــا دئدیم 1

دیـــلیــــمی بـــئــله یـــئـــدیم

زمــــان بـــئــــله گـــئتیردی

بـــونــنـــان ســونرا نه ائدیم

2-ســــو گــــئدیر آخا آخا 2

داش قــــومـــــا باخا باخا

دونـــیـامــــیـــز بئله گلیب

فــاقــیــری یـــیــــخا ییخا

3-آغاج اوسته پوتاق وار3

پـــــوتــــاقیندا یارپاق وار

گـــئلین ال الــــه وئره ق

قونشولـــوقدا چیرپاق وار

4-اوزوک واردی بارماقدا 4

گـــــؤزوم قـــــالیب داراقدا

تلفون مــــــوبایل چیخاندان

قیز گورمــــــوره م بولاقدا

5-اطــــــاقیم دورد دیواردی 5

هیــــچ کیم دئمیر نه واردی

اوره گــــــیمی یــــوخلاساز

غـــــم الینن هــــــــاوار دی

6-کـــــــاغیذ الــــده یازیرام

هــــــــر ســــــوزیله آزیرام

دنـــیـــام بـــــــئله ساویشسا

جــــانــــا قبیر قـــــــازیرام

7-گــــــئجه باخدیم اولدوزا

وورولــــــــموشام بیر قیزا

دوســــــلاریمنان خبر یوک

بــــیـــر منه ســـوزلر سیزا  

8-هـــــر قــــــدمی آتــــــیرام

مـــقـــــصدیمه چــــاتــــــیرام

چوره ک پــــــولــــو تاپمیرام

شــــرمــنــــــده مــــن یاتیرام

9-قــــــــاوین قارپیز بوستاندا

هـــــــر شی واردی اوستاندا

منیم یــــــــــوردوم اوزاقدیر

آدی قـــــــالــــــــیب داستاندا

10-من دئمیرم گـــــلاب وئر

ســـــــــوزلریمه  جواب وئر

مـــــــــن بیلیره م سن کیمسن

بـــــــاشـــاردیقجا عذاب وئر

11-قیش گئلر سویوق گئله ر

اینله ره تــــــویـــــوق گئله ر

زوو زوو گئده ن اوشـــاقیین

بــــاشی تـــــام چاپوق گئله ر

12-عـــمور گئلدی ساویشدی

سئللر ســـــــــــولار قاویشدی

بــــــودنـــــیـــــــامیز گئنیشلی

او دونیامـــــیـــــــز داریشدی

13-گئــــــــجه گونوز دولانیر

غــــم اوســــتوسته قــــــالانیر

نـــــا حـــــق بــــالیق توتماغا

تــمیز ســـــــولار بـــــــولانیر

14-نـــــاحــــق باشین اوجاتدی

بیزلـــــری غـــــم قــــــوجاتدی

دوزلـــــوغ یـــــئرین چون تاپا

شــــــاعــــــیر سوزو هجاتدی

        یوسف پورعظیم شوطی

جنت ايچينده

گورمم سنه تاي اي گوزليم ميللت ايچنده

تنها ماراليم آهوصفت خلقت ايچينده

گر محفله گلسن منيله هم نشين اولسان

تصويره گلر خاطره ميز صحبت ايچينده

آلديخجا پيام لار آچيلار مخفي لي سوزلر

مخصوصا او هجراندا اولان هجرت ايچينده

ايل لر زماني گزميسن سن رويالي هر حال

او لحظه بيليرديم گزيرسن جنت ايچينده

بي فايده سوزي آچما گئچن گئچمه لي اولدو

ال وئر اليمه بير گزه ق تا لذت ايچينده

مست ائيله ميسن باده ايله سن مني هر دم

هاممي منه باخديقجا قالار حيرت ايچينده

                         ديليم توركدي

ديليم توركدي ديليمنن باخ گوزل پاك شهرتيم واردي

           جهاندان گر ســـــوال ائتسن بوديلده ن غيرتيم واردي

آنام توركون ديليننن چوك دانيشدي چون ازل منده ن

             نهايت ايندي هريــــــاندا بو ديلده ن صحبتيم واردي

منه واجب اولوب يــــاران اولام صحبت اولان ديلنن

          دانيشام يارو يولداشلــــا بــو ديلده ن نسبتيم واردي

سويا من سودئديم هرآن سو سوزوقتينده سوايچسم

         حقارت تاپمارام هر آن ديليـــــمـــــنن ثروتيم واردي

يازالللار قبريمين اوسته هر آن ســـــــوزلر آنا ديلده

         ايتيلمز قبريمين داشي بوديــــــــــلده ملتــــيم واردي

منم شاعر آنا ديلده آديم آدلانـــــــدي شــــــــــــعريله

        دولوبدور ديوانيم كامل بو ديـــــــلدن شوكتيم واردي

غلام شهريارم بيل پوتون الــــــــهام آلـــــيب ديوان